یەکگرتوو کار بۆ پاكتاوكردنی دەنگە ناڕازییەکانیان دەکات

یەکگرتوو کار بۆ پاكتاوكردنی دەنگە ناڕازییەکانیان دەکات

دوای شكستهێنانی یەكگرتووی ئیسلامی لە هەڵبژاردنی خولی پێنجەمی پەرلەمانی كوردستان ئەمینداری حزبەكە دەستی كردوە بە پاكتاوكردنی دەنگە ناڕازیەكانی ناو حزبەكەی و جێبەجێكردنی كارنامەیەكی تایبەتی خۆیی.

لە هەڵبژاردنی ٣٠ـی ئەیلولی خولی پێنجەمی پەرلەمانی كوردستان یەكگرتووی ئیسلامی كوردستان توشی شكستهێنان بوو بەجۆرێك لە ١٠ كورسی پەرلەمانی  ژمارەی كورسیەكانی بۆ نیوە دابەزی و ئەمەش بووە هۆیی ئەوەی دەنگی رەخنە لەناوخۆیی حزبەكە پەرەبستێنێت، رەخنە لە سەركردایەتی یەكگرتوو بگیرێت كە لە نێوان دابەش بوونی ناوخۆیی یەكگرتوو بەسەر خەڵكی دهۆك و سلێمانی ژمارەی كورسیەكانی بۆ نیوە كەم بكات.

سەركردایەتی یەكگرتوو دوای شكستهێنانی بە خێرای كۆبووە و بەرپرسیارەتی شكستەكەی گرتە ئەستۆی خۆیی، بە پێی سەرچاوەیەك ڕایگەیاندووە، لە كۆبوونەوەكە رەخنە لە سەلاحەدین محمد بەهائەدین، ئەمینداری حزبەكە گیراوە كە بەشی سەرەكی شكستەكە دەكەوێتە ئەستۆی ئەو و پێویستە بەرپرسیارەتی هەڵبگرێت.

یەكگرتووی ئیسلامی سێ ئەنجوومەنی هەیە (سیاسی، جێبەجێكردن و بانگخوازی) بە پێی ئەو بەرنامەی ئەمینداری یەكگرتوو دایناوە ئەنجوومەنی جێبەجێكردن هەڵدەوشێنتێەوە و كاری بانخوازی و سیاسیش لە یەكتر جیادەكاتەوە

بەشێك لە رەخنەكان لە سەلاحەدین محمد بەهائەدین، ئەمینداری یەكگرتووی ئیسلامی بوو كە بەردەوام بەدوای هەنگاوەكانی پارتی دیموكراتی كوردستان كەوتووە بە بێ هیچ بەرچاوڕونیەك، بۆیە خەڵك یەكگرتووی سزادا، لە ئێستادا  ئەمینداری یەكگرتوو دەستی كردوە بە چەند هەنگاوێكی ناوخۆیی بۆ پاكتاوكردنی ئەو دەنگانەی رەخنەیان لێگرتووە و كاریش دەكات بۆ ئەوەی لە كۆنگرەی حزبەكە تەواوی دەنگە نیگەرانەكان پاكتاوبكات.

لە كۆبوونەوەی سەركردایەتی حزبەكە باس لە گۆڕانكاری ناوخۆیی كرا بۆ هەڵسانەوە یەكگرتوو، بەڵام ئەمینداری یەكگرتوو ئەو گۆڕانكاریانە بۆ بەرژەوەندی خۆیی بەكار دەهێنێت و دەستی كردوە بە بێدەنگكردنی دەنگی رەخنە.

لە ١٢ـی تشرینی دووەم، ئەنجوومەنی سەركردایەتی یەكگرتووی ئیسلامی كۆبووە لە راگەیاندراوی كۆتای كۆبوونەوە ئاماژە بەوەكراوە كە ئەنجومەنی سەركردایەتی یەكگرتووی ئیسلامی كوردستان كۆبوونەوەیەكی نائاسایی سازكرد بۆ تاوتوێكردنی ئەنجامی كۆتایی هەڵبژاردنەكانی پەرلەمانی كوردستان و چۆنیەتی هەڵوێست وەرگرتن لەو بارەیەوە.

لە راگەیاندراوەكە ئاماژە بەوەشكراوە كە لە كۆبوونەوەی ئەنجومەنی گشتی حزب كە بریارە لەم رۆژانە سازبكرێت وەك وێستگەیەك و دەرفەتێك بۆ ئەنجامدانی پرۆسەیەكی بەخۆداچوونەوەی ریشەیی و دەستنیشانكردنی خاڵە لاوازەكان و هۆكارەكانی كەم بوونەوەی دەنگەكان و ئەنجامدانی چاكسازی و گۆڕانكاری ناوخۆیی بە مەبەستی خۆ نوێكردنەوە و هەڵسانەوە و تێپەراندنی ئەم قۆناغە نەخوازراوە.

بەشێك لە رەخنەكان لە سەلاحەدین محمد بەهائەدین، ئەمینداری یەكگرتووی ئیسلامی بوو كە بەردەوام بەدوای هەنگاوەكانی پارتی دیموكرات كەوتووە بە بێ هیچ بەرچاوڕونیەك، بۆیە خەڵك یەكگرتووی سزادا

بەرپرسێكی یەكگرتووی ئیسلامی كوردستان ڕایگەیاند:" مامۆستا سەلاحەدین دەیەوێت كاری بانگخوازی و سیاسی لەیەكتر جیابكاتەوە و هەر كەسێك سیاسەت بكات نابێت بانگخوازی بكات و بە پێچەوانەوەشەوە".

ئەو بەرپرسەی یەكگرتووی ئاماژەی بەوەشكرد كە ئەمینداری یەكگرتوو نیگەرانە لەوەی كە لەناو یەكگرتوو سلێمانی و دهۆكی هەیە و بەردەوام كێشە لە نێوانیان هەیە و رێك ناكەون بۆیە دەیەوێت هەر دەنگێك كە كار لەسەر ئەو جیاوازیە دەكات دووری بخاتەوە.

ئەمینداری یەكگرتوو كار لەسەرە ئەوە دەكات كە دەنگی رەخنە لەناو ئەنجوومەنەكان سڕبكات و كۆنگرەی حزبیشی شەش مانگ هێناوەتە پێش بۆ ئەوەی كارنامەكەی بەتەواوی جێبەجێبكات چ ئەو بەشەی لە پێش كۆنگرە بكات و چ ئەوەشی لەناو گۆنگرە پێویستە، چونكە بە سڕكردنی دەنگی رەخنە ئەوا ئەو كەسانە ناچنە كۆنگرە و لە كۆنگرە چی بەلاوە گرنگ بێت دەتوانێت جێبەجێ بكات.

جگە لە پاكتاوكردنی دەنگی نەخێری بەرامبەر ئەمینداری یەكگرتوو، لە ئێستادا ئەمیندار كار لەسەر كەمكردنەوەی ژمارەی مەڵبەندەكان دەكات و نەوەیەكی نوێ دروست بكات كە دووربن لە بانگخوازی و  تایبەتبن بە سیاسەتكردن.

لە ئێستادا  ئەمینداری یەكگرتوو دەستی كردوە بە چەند هەنگاوێكی ناوخۆیی بۆ پاكتاوكردنی ئەو دەنگانەی رەخنەیان لێگرتووە و كاریش دەكات بۆ ئەوەی لە كۆنگرەی حزبەكە تەواوی دەنگە نیگەرانەكان پاكتاوبكات

هەروەها شەش بەرپرسی یەكگرتوو لە پۆستەكانیان گۆڕانكاریان پێكراوە و بەشێكیان بەهۆی دەنگی نەخێر بەرامبەر ئەمیندار پۆستەكانیان دابەزێنراوە، هەروەها شەش  بەرپرسی تر لە شوێنی خۆیان ماونەتەوە كە بەشێكیان بە نزیك لە سەلاحەدین محمد ئەهائەدین ناسراون.

هەروەها كە بڕیارە لە داهاتوو گۆڕانكاری  دیكە لە سەركردایەتییەكان و بەرپرسی مەڵبەندەكان ئەنجامبدرێت و گۆڕانكاریەكەش كپكردنی هەموو دەنگێكی نەخێر دەگرێتەوە.

ئەو بەرپرسەی یەكگرتوو باسی لەوەشكرد كە چاوەڕێ دەكرێت بەشی دووەمی گۆڕانكاریەكان لە كۆنگرە ئەنجامبدرێت و كە زیاتر لە ساڵێكی ماوە ئەنجامبدرێت، بەڵام  شەش مانگ هێنرایە پێش.

هەروەها لە چەند رۆژی داهاتوو یەكگرتوو كۆبوونەوەی تر دەكات و چەند هەنگاوێكی تر دەنێت لە گۆڕانكاری بەڵام هەنگاوەكان دوور لە چاوی میدیا دەنێت و ئەمەش لەسەر داواكاری ئەمینداری یەكگرتوو بووە.

ئەبوبەكر كاروانی، سەركردە لە یەكگرتووی ئیسلامی كوردستان سەبارەت بە گۆڕانكاریەكانی ناو یەكگرتوو ڕایگەیاندووە:" ئەو گۆڕانكارییانەی تائێستا كراوون تائێستا گۆڕانكارییەكان جەوهەری نیین‌و ئەوەشی كە كراوە بەشێكی لەسەر پێشنیاری كۆبوونەوە گشتییەكە بووە كە پێشتر ئەنجامدرابوو لەوانەش داواكاری بۆ پێشخستنی كۆنگرە بۆ ماوەیەكی دیاریكراو، بەدەر لەوە دەستكاری شوێن‌و پێگەی هەندێك لەبەرپرسەكانی یەكگرتوو كراوە‌و گواستنەوەیان لەشوێنێكەوە بۆ شوێنێكی تر كە ئەوە بەگوێرەی پەیڕەوی ناوخۆی یەكگرتوو شتێكی رۆتینییە‌و دوای كۆبوونەوەی گشتی جارێكی تر بەرپرسەكان هەڵسەنگاندنیان بۆ دەكرێت‌و ئەگەر پێویست بكات گۆڕانكاری لەشوێن‌و كاریان دەكرێت، واتا پەیوەندی نییە بە بارودۆخێكی دیاریكراوەوە ئەوەندەی پەیوەندە بەئیستیحقاقێكی پەیڕەوی ناوخۆ لەدوای كۆبوونەوەی گشتی حزبەكە".

بە قسەی كاروانی گۆڕانكارییە جەوهەرییەكان دەبێت لەدوای ئەم دانیشتنە گشتییەوە ببینرێت بەتایبەت ئەوەندی پەیوەندی بە فۆڕمی حزب‌و ستراكچەر‌و شێوازی كارەوە هەیە كە ئەوانە مەسەلەی جەوهەرین‌و تائێستا دەست بۆ ئەو مەسەلانە نەبراوە‌و چاوەڕوان دەكرێت لەداهاتوودا دەست بۆ ئەو بابەتانە ببرێت.

لە بەشێكی تری لێدوانەكەی كاروانی ئەوانە هەمووی پێشنیاری كۆبوونەوەی گشتین‌و خراوەتە بەردەم سەركردایەتی یەكگرتوو‌و چاوەڕواندەكرێت سەركردایەتی یەكگرتوو لەقۆناغی داهاتوودا بیانكات

ئاماژەی بەوەشكرد كە ئەوە داواكاری كۆبوونەوەی گشتی یەكگرتووە لەجیاكردنەوەی بابەتە بانگخوازیەكان لەمەسەلە سیاسیەكان‌و دووبارە داڕشتنەوەی پەیامی یەكگرتوو‌و جۆری كاركردنی‌و دووبارە پۆڵێنكردنەوەی تواناكانی‌و رێكخستنەوەی هەیكەلی شێوازی كار‌و كاركردنی بەجۆرێك لاوازییەكان‌و كەموكورتییەكانی ناو خۆی تێپەڕێنێت‌و مەرجەكانی هێزی بۆ قۆناغی داهاتوو تیا دەستەبەربێت.

لە بەشێكی تری لێدوانەكەی كاروانی ئەوانە هەمووی پێشنیاری كۆبوونەوەی گشتین‌و خراوەتە بەردەم سەركردایەتی یەكگرتوو‌و چاوەڕواندەكرێت سەركردایەتی یەكگرتوو لەقۆناغی داهاتوودا بیانكات بەبڕیاری پابەندكەر بۆ خۆیی‌و بۆ هەموو ئۆرگانەكانی یەكگرتوو.