چیتر ڕێگا بە نێچیرڤان نادرێت سەرپەرشتی کۆبونەوەکانی پارتی بکات

چیتر ڕێگا بە نێچیرڤان نادرێت سەرپەرشتی کۆبونەوەکانی پارتی بکات

لەناو پارتی دیموکراتدا دەنگۆیەکی زۆر دروستبووە و چەند کەسێک دەیانەوێت چیتر نێچیرڤان بارزانی سەرپەرشتی هیچ کۆبونەوەیەکی پارتی بۆ پێکهێنانی حکومەت نەکات.

پارتی لە ئێستادا لەهەوڵدایە لەگەڵ لایەنەکان بگەنە ڕێککەوتن بۆ پێکهێنانی کابینەی نوێی حکومەت، بۆ ئەم مەبەستەش بەچەندین وەفد سەردانی لایەنەکانیان کردووە، تا ئێستا ئەو وەفدانەی سەردانی لایەنەکانیان کردووە نەیان توانیوە هیچ ئەنجامێکی بەرچاو بەدەست بهێنن بەتایبەت ئەو کۆبوونەوانەی پارتی لەلایەن نێچیرڤان بارزانیەوە سەرۆکایەتی کراوە.

لە ئێستادا لەناو پارتیدا دەنگێکی ناڕازی گەورە پەیدا بووە وپێیان وایە نێچیرڤان بارزانی ناتوانێت ئەو ئەرکە ڕاپەڕێنیت بۆیە دەبێت چیتر لەو ئەرکە دور بخرێتەوەو خودی مەسرور بارزانی سەرۆکایەتی سەردانەکانی پارتی بکات.

سەرچاوەیەک لەناو پارتیەوە دەڵێت: "بوونی دەنگی ناڕازی دژی نێچیرڤان بارزانی دوورە لە راستیەوە ئەوە سیناریۆیەکە مەسرور بارزانی دای ڕشتووە بۆ ئەوەی نێچیرڤان بەتەواوی لە کایەی سیاسی دوور بخاتەوەو بەکەسانی نزیک لە خۆی جێگای خۆی و کەسە نزیکەکانی پر بکاتەوە .