پارتی پرسەی میر تەحسین بەگی بۆ خۆ پاککردنەوە لە خیانەتی شەنگال بەکارهێنا

پارتی پرسەی میر تەحسین بەگی بۆ خۆ پاککردنەوە لە خیانەتی شەنگال بەکارهێنا

پارتی دیموکراتی کوردستان  بەرپرسە لە کارەساتی شەنگال و ئەو ڕووداوانەی کە بەسەر ئێزدیەکاندا هات بەدەستی داعش.

لە دوای بەدەستەوەدانی شەنگال لەلایەن پێشمەرگەکانی پارتیەوە، پارتی بەردەوام بۆ دەرفەتێک گەڕاوە تاوەکو ڕووی خۆی لای هاوڵاتیانی ئێزیدی سپی بکاتەوە و پرسەی میرتەحسینیش بۆ ئەو مەبەستە بە باشترین دەرفەت دادەنێت سەرەخۆشی خۆیان ئاراستەی ئێزدییەکان کرد .

مەبەستی پارتی لە بەڕێوە بردنی ئەم مەراسیمە بۆ میری ئێزیدیەکان وەک پاکانەیەکە بۆ ئەو خیانەتەی کە لە مانگی ئابی ٢٠١٤ دا بەسەر شەنگال و ئیزدیەکانداهێنای، لەو کاتەوە تائێستا لای ئێزدییەکان پارتی دیموکراتی کوردستان بە خیانەتکار لە قەڵەم دەدەن و بە خیانەت کارناویان دەهێنن .

کارەساتی شەنگال ئەو ڕووداوە بوو کە لە مانگی ئابی ساڵی ٢٠١٤ دا پێشمەرگەکانی پارتی بەبێ تەقە و لە چەند سانیەیەکدا شەنگالیان ڕادەستی داعش کردو سەرجەم هاولاتیە ئێزادیەکان کەوتنە بەر شاڵاوی نەگریسانەی ئەو دەستە ڕەشەو  ئاسەواری ئەو خیانەتە گەورەیە بەسەر ئێزیدیەکانەوە ماوەو چەندین منداڵ و ژن وپیاو لە ژێردەستی داعشدا ماونەتەوەو ئازاد نەکراون و ئەمە جگە لەوانەی کە کوژراون و بێسەروشوێن کراون.