مەسرور بارزانی هەوڵ بۆ میراتگری حزبەکەی دەدات

مەسرور بارزانی هەوڵ بۆ میراتگری حزبەکەی دەدات

 بڕیاروابوو کە چوار ساڵ جارێک پارتی کۆنگرەی خۆی ببەستێت بەڵام بە هۆی کێشەی باڵەکانییەوە ناتوانێت کۆنگرە ببەستێت.

پارتی لە بەرواری ١١ـی ١٢ـی ٢٠١١، دا کۆنگرەی سیانزەهەمی بەست و بڕیاریش  بوو دوای چوار ساڵ کۆنگرە ببەستێتەوە بەڵام مەسرور بارزانی ڕێگرە لەئەنجام نەدانی و لە هەوڵەکانی بەردەوامە بۆ ئەوەی  دەسەڵاتی خۆی بەتەواوی لە ناو حزب و حکومەتدا بچەسپێنێت و جێگەی نێچیرڤانی ئامۆزای بگرێتەوە وببێتە کەسی دووەم لە ناو پارتیدا.

مەسرور بارزانی بەردەوامە لەسەر دوورخستنەوەی نێچیرڤان بارزانی ئامۆزای لە حزبەکەی و دەیەوێت هیچ دەسەڵاتێکی لە ناو حزبدا نە مێنێت و بە تەواوی سەرۆکایەتی کردنی حزبەکەی ببێت بە پشتاو پشت واتا لە باوکەوە بۆ کوڕو....هتد .

تائێستا دیار نیە پارتی کەی و چۆن کۆنگرە دەبەستێت ،هەرکاتێک ببەسترێت مەسعود بارزانی سەرۆکی پارتی دەبێت ، بەلام مەسروری کوڕی دەیەوێت ببێت بە کەسی دووەم لە ناو پارتی دا واتە  خۆی ببێتە میراتگری باوکی نەک ئامۆزاکەی ، هەروەها ناشیەوێت کۆنگرە ببەسترێت تا بەتەواوی نێچیرڤان بارزانی  ودەسەڵاتەکانی لە حزبەی دوور دەخاتەوە و ئەو پۆستانەش پڕ بکاتەوە کە  بەدەستیەوە بوون .

شایانی باسە چەند ڕۆژێک لەمەو بەر مەسرور بارزانی دەستی کردووە بە چاکسازی و پاکسازی لە ناو حزبەکەیداو دەستی کرد بە گۆڕین و دوورخستنەوەی چەند بەرپرس و بەڕێوەبەری لق وناوچەکان  کەسەر بە باڵی نێچیرڤان بارزانی بوون و کەسی خۆی لە جێگە داناون

سەرچاوەیەک کە سەر بە باڵی نێچیرڤان بارزانیە ئاشکرای کرد، نێچیرڤان بارزانی بەهێچ شێوەیەک ڕازی نیە  لەو هەڵسوکەوتانەی ئامۆزاکەیی وهەروەها نایەوێت ئەو دەسەڵاتانەی کە هەیەتی لە ناو حزبەکەیدا لێی زەوت بکرێت، چونکە لەدوای نەمانی مامی سەرۆکایەتی کردن وبەڕێوەبردنی ئەو حزبە بە حەقی خۆی و ئەرکی خۆی دەزانێت کەساڵانێکە خزمەتی دەکات .

هاوشێوەی یەکێتی وگۆران پارتی دیموکراتی کوردستان لەدۆخێکی چەقبەستوودایەو کێشەی بەستنی کۆنگرەی هەیەو هەتا ئێستا دایار نیە ئایا کۆنگرە ئەنجام دەدرێت یاخود نا ؟