مەحمود سەنگاوی هۆشداری دەداتە چەند كەناڵێكی پارتی

مەحمود سەنگاوی هۆشداری دەداتە چەند كەناڵێكی پارتی

ئەندامێكى مەكتەبی سیاسی یەكێتی، بەتوندی وەڵامی چەند میدیایەكی سەربەپارتی دەداتەوە و جەخت لەوەش دەكاتەوە، ئەوا رێكاری یاسایی لەدژی ئەو كەڵانە دەگرنە بەر.

نوسینگەی رۆژنامەوانی مەحمود سەنگاوی ئەندامی مەكتەبی سیاسی یەكێتی نیشتمانیی كوردستان ڕایدەگەیەنێت، لە پێشتردا لە هەمبەر هەواڵی بێ بنەما و ساختەیی چەند میدیایەكی سێبەری سەر بە لایەنێكی دیاریكراو بێ دەنگ بووین، بەڵام تەشهیر و هەواڵەبێ بنەماكانیان چیدی جێگای قبوڵكردن نییە و پێویستە سنورێكی بۆ دابنرێت چ بە وەڵام دانەوە یاخود بە تۆماركردنی سكاڵا لەسەریان.

دەقی رونكردنەوەكە:

ڕوونكردنەوەی نوسینگەی هەڤاڵ مەحمود سەنگاویی دەربارەی دوو هەواڵی بێ بنەما و ناڕاستیی وێبسایتەكانی (باس نیوز و هەواڵ پرێس).

كۆمەڵانی خەڵكی بەشەرەفی كوردستان

دەزگاكانی ڕاگەیاندن و ناوەندە میدیاییەكان

هاونیشتیمانیانی ئازیز، وەك نوسینگەی ڕۆژنامەوانی هەڤاڵ مەحمود سەنگاوی لە ڕوانگەی هەستكردن بەو بارودۆخە نالەبار و ناهەموارە سیاسیەی كە ئێستا گەلەكەمان تووشتی هاتووە لە پێشتردا لە هەمبەر هەواڵی بێ بنەما و ساختەیی چەند میدیایەكی سێبەری سەر بە لایەنێكی دیاریكراو بێ دەنگ بووین، بەڵام تەشهیر و هەواڵەبێ بنەماكانیان چیدی جێگای قبوڵكردن نییە و پێویستە سنورێكی بۆ دابنرێت چ بە وەڵام دانەوە یاخود بە تۆماركردنی سكاڵا لەسەریان. لە ڕۆژانی ڕابردوودا دوو هەواڵیی بێ بنەما لە وێبسایتەكانی هەواڵ پرێس و باس نیوز بڵاوبۆتتەوە كە دوورن لە ئاكاری رۆژنامەگەریی بەرپرسانە و سەركەوتوو.

لە وێبسایتی هەواڵ پرێسدا و لە ژێر ناونیشانی "مەحمود سەنگاوی دەڵیت پەكەكە دەستی بڕوات بینای مەكتەبی سیاسیشمان لێ دەستێنن"بڵاوكراوەتەوە كە هەڤاڵ مەحمود سەنگاوی بە هیچ جۆرێك هیچ لێدوانێكی بۆ وێبسایتی ناوبراو نەداوە و سەرلەبەری هەواڵەكەیان دوورە لە ڕاستییەوە.

لە هەواڵەكەدا هاتووە كە زانیاریەكانیان لە سەرچاوەیەكەوە وەرگرتووە كە نەیویستووە ناوی ئاشكرابكرێت، ئەم دەستەواژە سواوە كە تەنها میدیا سێبەرییەكان بەكاریدەهێنن بووەتە ئاماژەییەك بۆ نیشاندانی ساختەیی هەواڵەكە.

هەروەها، لە وێبسایتی باس نیوزدا بە ناڕاستەوخۆ هێزی پێشمەرگەی فەوجی تایبەتی هەڤاڵ مەحمود سەنگاوی بە كوشتنی كەسێك تۆمەتباردەكەن لە سنووری شارۆچكەی سەنگاودا، لەهەواڵەكەدا هاتووە كە ئاسایشی یەكێتی نیشتیمانی كوردستان هێزەكەی هەڤاڵ مەحمود سەنگاوی تۆمەتباردەكەن بە بێ دەستنیشانكردنی سەرچاوەی دیاری زانیارییەكە. هەبوونی هێزەكانی پێشمەرگە لە ناوچەكەدا وەك سەرجەم هێزەكانی دیكەی پێشمەرگە لە ئەرك و فەرماندان و هیچ پەیوەندیەكیان بە بازگە و كاری ئەمنی هێزكانی پۆلیس و ئاسایشەوە نیە، وەك نوسینگەی هەڤاڵ مەحمود سەنگاوی سەرلەبەری هەواڵەكەیان بە ناڕاست و بێ بنەما لەقەڵەم دەدەین.

لێرەوە ڕایدەگەینین لە ئەگەری بەردەوامبوونی بڵاوكردنەوەی ئەم چەشنە هەواڵە چەواشەكارانەدا لەلاین هەردوو وێبسایتی هەواڵ پرێس و باس نیوزەوە لە جاری داهاتوودا سكاڵایی یاساییان لەسەر تۆماردەكەین.