پارتی لەپشتەوە بڕیاری دەستگیرکردنی بەرپرسانی کورد لە کەرکوک دەجوڵێنێت

ئەم بابەتە 2,860 جار خوێندراوەتەوە
متمانە:

بڕیاری دەستگیرکردنی بەرپرسانی کورد لە کەرکوک بووە بە کارێکی ڕۆژانەو هەر ڕۆژەوە بە بیانویەک بڕیاری دەستگیرکردن بۆ بەرپرسێکی باڵای کورد لەو شارە دەردەچێت.

لەدوای ڕووداوەکانی ١٦ـی ئۆکتۆبەرەوە ئەم بابەتە لە پارێزگای کەرکوک بۆ بەرپرسە کوردەکان بووە بە کارێک کە دەبێت لە چاوەڕوانی فەرمانی دەستگیرکردن یان لێپرسینەوەدابن ، لەماوەی رابردوودا دەستەی نەزاهە بڕیاری دەستگیرکردنی بۆ هەریەکەلە (نەجمەدین کەریم) پارێزگاری پێشووی کەرکوک و (ڕێبوار تاڵەبانی) سەرۆکی ئەنجومەنی پارێزگای کەرکوک دەکرد.

بڕیاری دەستگیرکردنی پارێزگارو سەرۆکی ئەنجومەنی پارێزگا لە کاتێکدایە کە بەردەوام بەرپرسە باڵاکانی تری شارەکە هەمان بڕیاریان بۆ دەردەکرێت، ئەوەی جێێ سەرنجە تا ئێستا هیچ کەسێک لە وانەی بڕیاری دەستگیرکردنیان بۆ دەردەچێت سەر بە پارتی دیموکراتی کوردستان نین.

بڕیاری دەستگیرکردنی بە لێشاو ئەندام لایەنگرانی حزبە کوردیەکان بەگشتی بێجگە لە کادرو بەرپرسەکانی پارتی دیموکراتی کوردستان قسەی زۆری لەسەر دەکرێت و ئەوەی جارو بار تەنها وەک گومان باس دەکرا یان دەوترا پارتی دتموکراتی کوردستان هاوبەش و شەریکێکی ڕاستەقینەی حکومەتی عێراقە دوای دەرچوونی کادرو بەرپرسەکانی ئەو حزبە لە بڕیاری دەستگیرکردن سەرجەم گومانەکانی ڕەواندەوەو هاوڵاتیانی دڵنیا کردەوە لە بوونی پەیوەندی ژێربەژێری پارتی و حکومەتی ناوەندی عێراق.