نەتەوە یەكگرتوەكان: دەنگەکانی عێراق بەدەست جیا بکەنەوە

ئەم بابەتە 563 جار خوێندراوەتەوە
متمانە:

 نوێنەری تایبەتی سكرتێری گشتیی نەتەوە یەكگرتووەكان بۆ عیراق، داوا لە كۆمیسیۆنی باڵای سەربەخۆی هەڵبژاردنەكان دەكات بەزوویی دەستبكات بە لێكۆڵێنەوە لە سكاڵاكانی پەیوەست بە پرۆسەی هەڵبژاردن.

یان كوبیش، نوێنەری تایبەتی سكرتێری گشتیی نەتەوە یەكگرتووەكان بەگوێرەی بەیاننامەیەكی یۆنامی كەلە پەیجی تایبەتی خۆیاندا لە فەیسبووک بڵاویانکردوەتەوە داوایكردووە، "پێویستە كۆمیسیۆن بەزوویی بكەوێتە كار بۆ لێكۆڵینەوەی دەربەستانە لەهەموو سكاڵاكان بە گرتنەخۆی، بە گوێرەی پێویست، دەستكردن بە هەژماركردنی هەندەكییانە (جوزئی)ـی بەدەستی لە بنكە دەستنیشانكراوەكاندا بەتایبەتیش لەپارێزگای كەركوك.

هەروەها، ئەوەش گرنگە كە بۆ پتەوكردنی متمانە بە پرۆسەكە هەژماركردنەوەكە بەئامادەبوونی تەواوی لایەنە پەیوەندیدارەكان و بە شێوەیەكی روون ئەنجام بدرێت، بۆ ئەم مەبەستەش، نەتەوە یەكگرتووەكان ئامادەی هەموو هاوكارییەكە گەر پێویست بێت".

لەبەشێكی تری بەیاننامەكەدا هاتووە، "كوبیش داوای لەسەرجەم لایەنە سیاسییەكان كردووە، بۆ پاراستنی ئاشتی و پابەندبوون بە چارەسەكردنی هەر كێشەیەكی پەیوەست بە هەڵبژاردن لەرێگەی شێوازە یاساییە بەركارەكانەوە".