ئارام شێخ محەمەد پەیامێكی بڵاو كردەوە

ئەم بابەتە 8,027 جار خوێندراوەتەوە
متمانە:

جێگری سەرۆكی پەرلەمانی عێراق لەڕێگەی پەیامێكەوە، لەبەرامبەر كۆچیدوایی عادل مورد ڕایدەگەیەنێت، یەكێك بو لەو سیاسیە دەگمەنانەی كە بەسادەیی و ڕاستگۆییەكەی جێگەی خۆی لەدڵی هەموماندا كردبۆوە.

ئارام شَێخ محەمەد، جێگری سەرۆكی ئەنجومەنی نوێنەرانی عێراق، لەڕێگەی پەیامێكەوە لەبارەی كۆچی دوایی (عادل موراد) سكرتێری ئەنجومەنی ناوەندی یەكێتی نیشتمانی كوردستان ڕایدەگەیەنێت:" لەدەستدانی كاك عادل موراد خەسارەتێكی گەورە بو بەتایبەت لەم قۆناغە هەستیارەی گەلەكەمانی پیادا تێپەڕدەپەڕێت و، كەلێن و بۆشاییەكی دیار بەجێدەهێڵێت كەقەرەبوكردنەوەی كارێكی ئاسان نابێت".

دەقی پەیامەكە:

بەداخەو كەسەرێكی گەورەوە هەواڵی كۆچی دوایی تێكۆشەری دێرینی گەلەكەمان كاك (عادل موراد)مان، پێگەیشت.

كاك عادل نمونەی ئینسانی خەباتگێڕو سەر ڕاست و خۆنەویست بو لەگەڵ بیرو باوەڕو ئەو ئامانجانەی بۆی تێدەكۆشا، پیاوێك بو بەشی هەرە زۆری تەمەنی لەپێناو میللەتەكەیدا بەسەربرد بێئەوەی بۆ لەحزەیەك ماندوێتی بنوێنێ، منەتەكاریەك بكات.

خوالێخۆشبو یەكێك بوو لەو سیاسیە دەگمەنانەی كە بەسادەیی و ڕاستگۆییەكەی جێگەی خۆی لەدڵی هەموماندا كردبۆوەو بۆ ئەبەد لەلاپەڕە پرشنگدارەكانی مێژوی گەلەكەماندا شوێنی دیاری ئەبێت و بەزیندوی و گەورەیی لەناخ و ویژدانماندا ئەمێنێتەوە.

لەدەستدانی كاك عادل موراد خەسارەتێكی گەورە بوو بەتایبەت لەم قۆناغە هەستیارەی گەلەكەمانی پیادا تێپەڕدەپەڕێت و، كەلێن و بۆشاییەكی دیار بەجێدەهێڵێت كەقەرەبوكردنەوەی كارێكی ئاسان نابێت.

هەر لەم بۆنە خەمناكەدا پرسەو سەرەخۆشی خۆم ئاڕاستەی خانەوادەو كەسوكارو هاوڕێ و هاوسەنگەرانی خوالێخۆشبوو دەكەم، لەخوا داواكارم سەبوری هەموو لایەك بدات و دواكۆست و ناخۆشیان بێت.

براتان

ئارام شێخ محەمەد

جێگری سەرۆكی ئەنجومەنی نوێنەرانی عێراق
۱۸/٥/۲٠۱۸