پەرلەمانتارێكی بزوتنەوەی گۆڕان دەست لە كار كێشانەوەی خۆی راگەیاند

ئەم بابەتە 1,128 جار خوێندراوەتەوە
متمانە:

مەسعود حەیدەر پەرلەمانتاری بزوتنەوەی گۆڕان ئەمڕۆ سێشەممە بە نامەیەكی فەرمی دەست لە كار كێشانەوەی خۆی لە بزوتنەوەی گۆڕان و فراكسیۆنی گۆڕان لە ئەنجوومەنی نوێنەرانی عیراق راگەیاند.

‎لە دەقی نامەكەی مەسعود حەیدەردا هاتوە” دوای دیراسەتكردنی چوار ساڵی كاركردنم لە پەرلەمانی عێراق و وەزعی ناوخۆی بزوتنەوەی گۆڕان و نەهج و سیاسەتی بزوتنەوەكە، وە دوای نۆ ساڵ خەباتكردن لەرێگای بزوتنەوەی گۆڕانەوە بۆ میللەتەكەم، گەشتمە ئەو قەناعەتەی كە دەستلەكار بكێشمەوە لە بزوتنەوەی گۆڕان وەكو حزب و وەكو فراكسیۆن و ئەو دوو مانگ و نیوەی ماوە لەم خولەی پەرلەمان وەكو كوردێكی بێ لایەن نوێنەرایەتی بكەم”.

ئەو پەرلەمانتارەی گۆڕان ئاماژەی بەوە نەكردوە كە لە داهاتوودا دەچێتە نێو چ حزبیكەوە و یان بە یەكجاری واز لە سیاسیەت دێنیت.

ئەمەش دەقی نامەكەیەتی:

‎پاش سڵاو

‎دوای دیراسەتكردنی چوار ساڵی كاركردنم لە پەرلەمانی عێراق و وەزعی ناوخۆی بزوتنەوەی گۆڕان و نەھج و سیاسەتی بزوتنەوەكە، وە دوای نۆ ساڵ خەباتكردن لەرێگای بزوتنەوەی گۆرانەوە بۆ میللەتەكەم، گەشتمە ئەو قەناعەتەی كە دەستلەكار بكێشمەوە لە بزوتنەوەی گۆڕان وەكو حزب و وەكو فراكسیۆن و ئەو دوو مانگ و نیوەی ماوە لەم خولەی پەرلەمان وەكو كوردێكی بێ لایەن نوێنەرایەتی بكەم. دەمەوێ سوپاسی ھەمووتان بكەم بۆ چوار ساڵی پێكەوە كاركردن لەم خولەی پەرلەمانی عێراق. دڵنیاتان دەكەمەوە لەم چوار ساڵە زۆر بە دڵسۆزی و بە ویژدانەوە بەرگریم لە مافەكانی میللەتەكەم كردوەو ھەمیشە بەرژەوەندی خاك و خەڵكی كوردستانم خستۆتە پێش ھەموو شتێك. ھۆكارەكان زۆرن بۆ گەیشتنم بەم قەناعەتەو لەكاتی گونجاو بۆ بەرێزتانی رووندەكەمەوە. دەمەوێ سوپاسی ھەموو ئەو ھەڵسوراوە بەرێزانە بكەم وە لە پێش ھەموویانەوە رەوانشاد كاك نەوشیروان و ھەموو دەنگدەرانم كە ئەمانەتی نوێنەرایەتی كوردیان خستە سەرشانم. لەگەڵ ھاورێ كوردەكانم لە پەرلەمان وەكو ئەركێكی نیشتمانی، ئەخلاقی و نەتەوەیی و ئاینی و سیاسی درێغیم نەكردوەو ئەوەی لەتوانام بووە ھەوڵم بۆی داوە بۆ بەرگری لە مافە دەستوری و یاسایی یەكانی كورد، ھەمیشە لە خەمی قووتی خەلك وچارەسەركردنی كێشەكانیان بوومە و گوێم بە حزبایەتی و ململانێ سیاسێكانی حزبە كوردێكان نەداوە و زۆرجار تەفسیری ھەڵەی بۆ كراوە و دوور لە گشت ئاكارێك تۆمەت و تەشھیرم ئاراستە كراوە. ئەو ئەركەی كەوتە سەرشانم بە پاكی و ئەمانەتەوە گەیاندمە جێگا و ھەمیشە لەبەرەی بەرگری بوومە لە مافی خەلك و خاكی كوردستان بە شایەتی ھەموو كوتلەو حزبەكانی ناو پەرلەمانی عێراق. بەرانبەر خواو میللەتەكەم روسورو سەربەرزم و ھەمیشە لەخانەی گەل و نیشتمان دەبم.

‎براتان

‎مسعود حیدر

٢٠١٨/٤/١٧

‎بغداد