پێگەیەکی ئەڵمانی، شەڕی شاراوەی نێوان (مەسرور و نێچیرڤان) ئاشکرادەکات

ئەم بابەتە 8,621 جار خوێندراوەتەوە
متمانە:

شەڕی شاراوەی نێوان جووت ئامۆزاکە سنوری هەرێمی کوردستانی بەزاندوو ئیستا ڕاگەیاندن و پێگە ئەلیکترۆنیەکانی ئەڵمانیا زانیاری لەسەر کێشەکانیان بڵاو دەکەنەوە.

مانەوەو چەقبەستووی (پارتی دیموکراتی کوردستان) وەکو حزبی یەکەم تا ئێستا لە هەرێمی کوردستان لەسەر چەند هۆکارێک بەند بووە و گرنگترینیان ئەوە بووە کە پارتی دیموکراتی کوردستان حزبێکی عەشایەری و بنەماڵەی بووە بۆیە تا ئێستا بەم جۆرە ماوەتەوە.

ئێستا بەدوا چیتر ئەو هەلومەرجە لەناو پارتی دیموکراتی کوردستان بەوجۆرە نەماوە بەتایبەت دوای ڕادەستکردنی دەسەڵاتەکانی (مەسعود بارزانی) سەرۆکی لەکار لادراوی هەرێمی کوردستان بە (نێچیرڤان بارزانی) برازای بەناچاری، ئاڵوگۆڕو زیاتر بەرفراوانکردنی دەسەڵاتی (نێچیرڤان بارزانی) (مەسرور بارزانی) ئامۆزای نیگەران کردووە، بۆ ئەوەش (مەسرور بارزانی) دەستیکردووە بە پیلان گێڕان و بەهەموو جۆرێک هەوڵی ئەوە دەدات لە پێگەی نێچیرڤان بارزانی بدات و بۆ ئەوەش لە ڕێی راگەیاندنەکانیەوە بەردەوامە لەوەی باس لە شکستەکانی حکومەتی هەرێم بکات.

لەبەرامبەر پیلانەکانی ئەودا ئێستا (نێچیرڤان بارزانی)ش دەستی کردووە بە تۆڵەکردنەوە لە (مەسرور بارزانی) بۆ ئەوەش دەیەوێت دەسەڵاتەکانی کەم بکاتەوەو سەرەتاش لەوەوە دەستیپێکرد کە مووچەی هێزەکانی (ئەنجومەنی ئاسایشی هەرێم) هاوشێوەی سەرجەم دام و دەزگاکانی تری هەرێم کەمکردەوەو پاشەکەوتی لێکرد، ئێستاش بە نیازە بۆ جارێکی تر مووچەی هێزەکان کەم بکاتەوە بە بیانووی کورتهێنای داهاتی حکومەتەوە.

ئەم کارەشی دوای ئەوە کرد کە راگەیاندنەکانی (مەسرور بارزانی) ئەوەیان بڵاوکردەوە کەحکومەتی هەرێم توشی کورت هێنان بووە ئەمەش لە سایەی سیاسەتی هەڵەی حکومەتی هەرێەوە بووە.