عێراق بڕیاری دەستبەسەرداگرتنى سامانی سەدام حسێن و لێپرسراوانی پێشووی بەعسی دەرکرد

ئەم بابەتە 1,219 جار خوێندراوەتەوە
متمانە:

دەستەی لێپرسینەوەی عێراق بڕیاری دەستبەسەرداگرتنى سامانی سەدام حسێن و زیاتر لە (٤) هەزار لە لێپرسراوانی پێشووی بەعس دەرکرد.

دەستەی لێپرسینەوەی عێراق  بڕیاریداوە دەستبەسەر سامانى (٤) هەزار و (٢٥٧) بەرپرسی دەزگاکانى پێشووی بەعسدا بگیرێت.

لەبڕیارەکەدا هاتووە هەر دوو وەزارەتی (دارایی و کشتوکاڵ) دەستبگرن بەسەر موڵک و ماڵ و سامانی ئەو کەسانە و خێزانەکانیان و نەوە و کەسە نزیکەکانیان تا پلە دوو.

لەو کەسانەى ناویان هاتووە، (عەلی حەسەن مەجید و بەرزان تکریتی زڕبرای سەدام حسێن و تەها یاسین ڕەمەزان و عەبد حەمود سکرتێری تایبەتی سەدام حسێن و تاریق عەزیز کە لە ساڵی ٢٠١٥ لە زینداندا کۆچی دوایی کرد).