یەکگرتوو کاندیدی سەرۆکی لیستەکەی لە هەولێر دیاری دەکات

ئەم بابەتە 3,229 جار خوێندراوەتەوە
متمانە:

لە سەروبەندی نزیكبوونەوەی هەڵبژاردنەكانی عێراق حیزبەكان كاندیدەكان بۆ لیستەكان یەكلای دەكەنەوە وسەرۆكی لیستی یەكگرتوو لە پارێزگای هەولێر لەنێوان دوو کەسدا دیاری دەکرێت.

بەپێی ئەو زانیاریانەی دەست ”متمانە“ كەوتووە، یەكگرتووی ئیسلامی لە سنوری پارێزگای هەولێر لەنێوان دوو كەسدا یەكلا نەبۆتەوە كە یەكێكیان دیاری بكات بۆ سەرۆكی لیستی یەكگرتوو لەو پارێزگایە .

سەرچاوەیەك لەناو یەكگرتووی ئیسلامی كوردستان بە ”متمانە“ی ڕایگەیاند، ئەو دوو كاندیدە بریتین لە (فەرهاد مەلا ساڵح و ئەبوبەكر هەڵەدنی) كە هەردووكیان ئەندامی مەكتەبی سیاسی یەكگرتوون و تا ئێستا دیاریكردنی یەكێكیان لەلایەن حزبەكەیانەوە یەكلا نەبۆتەوە.

ڕۆژی ١٢ی ئایاری ٢٠١٨، هەڵبژاردنی پەرلەمانی عێراق بەڕێوە دەچێت و تا ئێستاش بەشێك لە لیستەكان كادیدەكانیان پێشكەش نەكردووە و بەو هۆیەوە كۆمیسیۆن كاتی پێشكەشكردنی كاندیدانی درێژكردەوە .

پێشتریش ئەوە ڕاگەیەندرا، كە یەكگرتووی ئیسلامی لە سنوری پارێزگای سلێمانی یەكلایی بۆتەوە و بریاری داوە موسەنا ئەمین، سەرۆكی ئێستای فراكسیۆنی یەكگرتوو بە سەرۆكی لیستەكەی دیاری بكات.