دەربارەی متمانە
بە ١٠ ساڵ ئەزموون و تیمێکی شارەزا، لە دابینکردنی گوڵ و نەمامەوە تا دیزاین و سەرپەرشتیی باخچە، لەگەڵتین. متمانە کۆمپانیایەکی تۆمارکراوە لە بازیان، سلێمانی، کە بڕوانامەی تۆماری کۆمپانیا و مۆڵەتی فەرمیی حکومەتی هەرێمی کوردستانی هەیە.
لە متمانە دەتوانیت گوڵ، نەمامی میوە و زینەتی، سەماد، ئامێر و پێداویستییەکانی کشتوکاڵ لە یەک شوێن دابین بکەیت. تیمەکەمان یارمەتیت دەدات ئەو جۆرانە هەڵبژێریت کە لەگەڵ شوێن و پێداویستییەکانت دەگونجێن.
باخ و باخچە بە پێی قەبارەی شوێن و خواستی تۆ دیزاین و جێبەجێ دەکەین. چاندن، دامەزراندنی سیستەمی ئاودێری و ڕووناکی، هەروەها سەرپەرشتیی مانگانە و وەرزی لە خزمەتگوزارییەکانمانن.
ناسنامە و تۆماری فەرمی
ژمارەی تۆماری بازرگانی 20260104794161
کۆمپانیا بڕوانامەی ناوخۆیی و دەرەوەی وڵاتی هەیە.
بینینی بڕوانامەپێوەرەکانی هەڵبژاردنی کارمەند
لە متمانە، لەگەڵ لێهاتوویی و شارەزایی، ڕێزگرتن لە کڕیار و توانای خزمەتکردنی بە شێوەیەکی پیشەیی پێوەری سەرەکین بۆ هەڵبژاردنی کارمەند. گوێگرتن لە پێداویستیی کڕیار، وەڵامدانەوەی پرسیارەکانی و پێدانی زانیاریی دروست و ڕوون دەربارەی بەرهەم و خزمەتگوزارییەکان لە ئەرکە سەرەکییەکانی هەر کارمەندێکن.
پاراستنی مافی کڕیار و چارەسەری سکاڵا
متمانە هێڵێکی تایبەتی بۆ وەرگرتنی کاردانەوە، تێبینی و سکاڵای کڕیاران و سەردانکەران هەیە. ئەگەر لە فرۆشتن یان خزمەتگوزاریدا هەڵەیەک ڕوو بدات، بەدواداچوون دەکەین و بۆ چارەسەرکردنی کێشەکە و پاراستنی مافی کڕیار هەنگاو دەنێین.
ناردنی پەیام لە واتسئاپ 0770 917 0808گرێبەستە یاساییەکان
بۆ کڕین و فرۆشتنی کاڵا و نەمام، جێبەجێکردنی پڕۆژەی باخ و باخچە و دامەزراندنی کارمەند، گرێبەستی تایبەت بە هەر کارێک بەکاردەهێنین. لە گرێبەستەکانی فرۆشتن و پڕۆژەدا، مەرج و بەرپرسیارێتییەکان بە ڕوونی دیاری دەکەین و گرنگی بە پاراستنی ماف و بەرژەوەندیی کڕیار و خاوەنی پڕۆژە دەدەین.
بەڕێوەبردن بە سیستەمی ERP
سیستەمی پێشکەوتووی بەڕێوەبردنی کۆمپانیا (ERP) بەکاردەهێنین بۆ تۆمارکردنی زانیاریی کڕیاران، بەڕێوەبردنی ژمێریاری و ڕێکخستنی گرێبەستەکان.
وزەی خۆر و ژینگە
بۆ دابینکردنی کارەبای ئامێرەکانمان، پشت بە سیستەمی پەنێڵی خۆری دەبەستین. بەکارهێنانی وزەی خۆر بەشێکە لە پابەندیمان بە پاراستنی ژینگە.
بەخشینی نەمام و گوڵ بۆ سەوزکردن
سەوزکردن و ئاوەدانکردنەوەی زەوی لە ئامانجە سەرەکییەکانی متمانەیە. بۆیە بەردەوام درەخت، گوڵ و نەمام بەبێ بەرامبەر دەبەخشینە ڕێکخراوەکان و دامودەزگا حکومییەکان، بۆ پشتیوانی لە کارەکانی سەوزکردن و ئاوەدانکردنەوە و پاراستنی ژینگە.
ئەزموون و پڕۆژەکانمان
لە بواری بازرگانیی کشتوکاڵ، دابینکردنی نەمام و گوڵ و دیزاین و جێبەجێکردنی باخچەدا لەگەڵ سەدان دامەزراوە و خاوەنی پڕۆژە کارمان کردووە.
- کارگە و کۆمپانیاکان — کارگەی دەلتا، کۆمپانیای ماس، کارگەی ئاردی بازیان، کۆمپانیای تیشکی بروسک و کۆمپانیای پلانت هاوس
- پڕۆژە نیشتەجێبوونەکان — شاری سپی، نالی سیتی، دیە سیتی و کورد سیتی
- باخ و باخچە تایبەتییەکان — باخ، باخچەی ماڵان و باخچەی ڤێلاکان
- شوێنە بازرگانی و گشتییەکان — وێستگەکانی سووتەمەنی، مۆڵ، ڕێستۆرانت، هۆتێل، پارک، قوتابخانە و نەخۆشخانە ئەهلییەکان
- پڕۆژە حکومییەکان
پڕۆژە گەورەکان بە گرێبەستی یاسایی جێبەجێ دەکەین.
بینینی وێنەی باخ و باخچەکان
کۆمپانیای متمانەی بازیان